Samtökin almannaheill stofnuð

Það er ástæða til að fagna stofnun samtakanna Almannaheill og óska aðstandendum til hamingju; Aðstandendafélagi aldraðra, Blindrafélaginu, Bandalagi íslenskra skáta, Geðhjálp, Gróðri fyrir fólk í landnámi Ingólfs, Heimili og skóla, Hjálparstofnun kirkjunnar, Krabbameinsfélagi Íslands, Kvenréttindafélagi Íslands, Landvernd, Neytendasamtökunum, Styrktarfélagi lamaðra og fatlaðra, Ungmennafélagi Íslands og Öryrkjabandalagi Íslands.

Það var og er kominn tími til að fólk og félög sem starfa í þágu almennings og góðs málstaðar finni sér sameiginlegan flöt og leggi í "útrás". Aldrei að vita nema Breiðavíkursamtökin óski eftir inngöngu, enda berjast samtökin fyrir almannaheill, þ.e. að hagsmunum barna og unglinga sem barnaverndaryfirvöld hafa afskipti af og grípa til vistunarúrræða vegna. Barnaverndaryfirvöld eru auðvitað nauðsynleg í samfélaginu - en þarfnast aðhalds. Því miður sýnir reynslan að ekki allir sem að barnaverndarmálum koma stjórnast af góðmennsku og náungakærleik. 

Samtökin almannaheill stofnuð

Athugasemdir

[Morten Lange, 2.7.2008 kl. 01:07]

Ég fagna þessu mjög, og sé sérstaklega fyrir mér að félagið gæti boðið upp á húsnæði til fundarhalda, námskeið um  samskipti við löggjafann,  málstofur um  samráð hins opinbera við "hagsmunasamtök"  og margt fleira. 

Landssamtök hjólreiðamanna þar sem ég er formaður, gætu  haft áhuga að aðild.  Hjólreiðar sem samgöngumáta bæta heilsu (lengja lífið um 5-10 ár), umhverfi, fjárhag "allra",   borgarbraginn og sveitastemninguna,  minnka orkueyðslu og halla á viðskiptum við útlönd,  og þannig mætti lengi telja.

En hvar dregur maður línuna ?  Hvaða samtök mundu klárlega ekki falla undir skilgreininguna sem samtök sem starfar  að almannaheill ?

Hvað heita sambærileg samtök erlendis og hvað er þeirra reynslu ?  

Flest samtök og jafnvel klúbba geta komið með einhver rök um að þeir gera eitthvað gott í samfélaginu. Hver einasti saumaklúbbur, og jafnvel félag um til dæmis  vélsleðasporti,  húðflúr eða útsaum.  Ég mundi kannski ekki vera sammála rökunum, en hvernig væri hægt að meina samtök um innkomu, nema starfsemin brjóti í bága við lög  eða velsæmd  ?