Aðventukvöld Samtaka vistheimilabarna

Næsti fundur SVB. verður á léttu nótunum. Fjölbreytt skemmtiatriði verða og má þar nefna: Upplestur, tónlist, sjónhverfingar og risabingó. Ákveðið hefur verið að stilla aðgangseyri í hóf og hafa frítt inn.

Um er að ræða "Aðventukvöld" þann 14. desember í félagsmiðstöðinni Aflagranda 40, kl. 19:30 til 22:30.

Kynnir verður Friðrik Þór Guðmundsson. Hugvekju flytur séra Bjarni Karlsson sóknarprestur og velunnari SVB frá upphafi og hann minnist látinna félagsmanna.

Víglundur Þór Víglundsson formaður hefur umsjón með tónlistaratriði; einsöng og fjöldasöng. Guðný Sigurgeirsdóttir flytur ljóð í anda jólanna.

Heiðursviðurkenningar verða veittar, kaffiveitingar verða í umsjón Kaffinefndar SVB og haldið verður Bingo með veglegum vinningum, undir styrki stjórn Einars G. D. Gunnlaugssonar og Elsu G. Björnsdóttur varaformanns. Spilaðar verða nokkrar umferðir eftir því sem tíminn leyfir.

Reynt verður að ná SKYPE sambandi við þá félaga sem búa erlendis og úti á landi og leyfa þeim þannig að njóta dýrðanna með okkur.

Facebook-fólk er hvatt til að kíkja á FB-síðu um viðburðinn og skrá sig þar til þátttöku (en það er þó ekki skilyrði fyrir þátttöku!).

"..... sum árin hafi allt of mörg börn verið þar vistuð"

Af mbl.is:

Sýslumaðurinn á Siglufirði hefur kallað eftir kröfum frá þeim sem dvöldu á vistheimilinu Silungapolli í samræmi við ákvæði laga um sanngirnisbætur fyrir misgjörðir á stofnunum eða heimilum.

Skorað er á alla þá sem vistaðir voru á Silungapolli á vegum barnaverndar Reykjavíkur á árunum 1950-1969 og urðu þar fyrir illri meðferð eða ofbeldi sem olli varanlegum skaða, að lýsa kröfu um skaðabætur fyrir 22. janúar 2012.

Silungapollur var rekið af Reykjavíkurborg og var ætlað fyrir börn á aldrinum 3-7 ára. Þar var vistað 951 barn á starfstíma heimilisins. Auk þess var á heimilinu rekin sumardvöl fyrir börn á vegum Rauða kross Íslands en ekki kemur til álita að greiða sanngirnisbætur til þeirra, þar sem sú dvöl fellur ekki undir gildissvið laga nr. 26/2007.

Í september í fyrra kynnti vistheimilisnefnd skýrslu um vistheimilin Silungapoll, Reykjahlíð og heimavistarskólann á Jaðri. Þar kom fram að aðeins um 4% einstaklinga sem dvöldu á Silungapolli hafi komið fyrir nefndina þrátt fyrir að hún hefði auglýst í fjölmiðlum eftir vitnisburði þeirra sem þar dvöldu. Nefndin sagði að þetta hefði takmarkað möguleika sína til að draga ályktanir um starfsemina

Róbert Spanó, formaður vistheimilisnefndar, sagði í viðtali við Morgunblaðið daginn eftir að skýrslan var kynnt, að nefndin hefði talið það verulega gagnrýnisvert að á Silungapolli hafi verið samtímis börn á vegum barnaverndaryfirvalda og börn á vegum félagasamtaka. „Það er ljóst af þeim frásögnum sem við fengum að þetta skipulag á starfseminni var sérstaklega erfitt fyrir þau börn sem voru þar mjög lengi og á vegum barnaverndaryfirvalda. Þá er það okkar afstaða að aðstaða og húsakostur á Silungapolli hafi lengst af verið ófullnægjandi og sum árin hafi allt of mörg börn verið þar vistuð, bæði með tilliti til húsakosts og starfsmannafjölda.“

 http://mbl.is/frettir/innlent/2011/10/23/sanngirnisbaetur_fyrir_silungapoll/

Félagsfundur SVB 16. nóvember

Á stjórnarfundi SVB þann 19. október sl. var ákveðið að boða til næsta félagsfundar þann 16. nóvember næstkomandi.

Ástæður breytts fundartíma félagsfundar eru þær að stutt er síðan stjórnarbreyting átti sér stað og stjórnin hefur haft mikið að gera vegna ýmisa mála sem snúa að stjórninni, t.d. skráningarferli vegna nafnabreytingarinnar,  ásamt því að til stendur að fara á næstu dögum í viðræður við Reykjavíkurborg um húsnæðismáli SVB - og vill stjórnin geta sagt frá þeim viðræðum og helst tilkynnt um nýtt húsnæði á næsta félagsfundi.

Einnig er stjórnin að vinna að málum sem tilkynnt verður um á fundinum 16. nóvember.  Félagsfundurinn verður nánar kynntur er nær dregur.

Stjórn SVB.

Lög Samtaka vistheimilabarna 2011

Lög Samtaka vistheimilabarna 2011

eftir samþykkta breytingu á 8. grein á aðalfundi 27. september 2011

1.gr.

Félagið heitir Samtök vistheimilabarna.

2. gr.

Heimili samtakanna er hjá formanni hverju sinni og varnarþing er í Reykjavík.

3. gr.

Tilgangur samtakanna er að vera málsvari og hagsmunasamtök fólks sem vistað hefur verið á vegum hins opinbera á upptökuheimilum, einkaheimilum og öðrum sambærilegum stofnunum og beita sér fyrir forvarnar- og fræðslustarfi gegn ofbeldi af öllu tagi á börnum á fósturheimilum.

4. gr.

Tilgangi sínum hyggjast samtökin ná með því að styðja félagsmenn og halda uppi markvissu forvarnar- og fræðslustarfi.

5. gr.

Samtökin eru opin öllum sem hafa áhuga á barnaverndarmálum og sögu þeirra.

6.gr.

Stjórn samtakanna skal skipuð fimm félagsmönnum þ.e. formanni og fjórum meðstjórnendum og tveimur til vara. Þeir skulu kosnir á aðalfundi hvers árs. Formaður er kosinn sérstaklega en að öðru leyti skiptir stjórnin með sér verkum.

7.gr.

Stjórn fer með framkvæmdarstjórn í félaginu á milli aðalfunda. Formaður boðar stjórnarmenn á fundi þegar þurfa þykir, en halda verður stjórnarfund óski a.m.k. tveir stjórnarmenn þess. Félagsfundi skal halda þegar þurfa þykir, þó ekki sjaldnar en fimm sinnum á ári. Starfstímabil samtakanna er almanaksárið, aðalfundur skal haldinn í apríl eða fyrri hluta maí ár hvert. Á aðalfundi félagsins skal stjórn gera upp árangur liðins árs. Aðeins félagsmenn hafa atkvæðarétt á aðalfundi. Stjórn boðar til aðalfundar með a.m.k. 30 daga fyrirvara, með viðurkenndum boðskiptaleiðum sem undanfarandi félagsfundur samþykkir, svo sem með tölvupósti eða símleiðis. Dagskrá aðalfundar: Skýrsla stjórnar, reikningar, lagabreytingar, stjórnarkjör og önnur mál.

8.gr.

Til að samtökin geti haldið uppi grunnstarfsemi greiða félagar árgjald upp á 1.000 krónur (eitt þúsund krónur) með gjalddaga 1. maí ár hvert. Aðalfundir ákveða þessa upphæð árlega samkvæmt einföldum meirihluta. Þó getur félagi sótt um niðurfellingu árgjaldsins sökum bágrar fjárhagsstöðu og skal stjórn samtakanna fá og afgreiða erindið. Samtökin eru að öðru leyti fjármögnuð með styrkjum frá opinberum aðilum, fyrirtækjum og einstaklingum. Auk þess er innheimt greiðsla fyrir fræðsluerindi á vegum félagsins. Öll vinna sem félagsmenn inna af hendi í þágu samtakanna er sjálfboðavinna

9.gr.

Dagleg fjársýsla starfsjóðs er í höndum gjaldkera samtakanna en öll stærri fjárútlát skulu lögð fyrir stjórn til samþykktar.

10.gr.

Heimilt er að starfrækja innan samtakanna sérfélög um einstök vistheimili, en þau skulu vera fjárhagslega aðgreind frá móðursamtökunum og móta sínar eigin reglur á þann veg að brjóti ekki í bága við lög móðursamtakanna. Sérfélögin geri stuttlega grein fyrir starfsemi sinni á hverjum aðalfundi móðursamtakanna undir liðnum „önnur mál“.

11.gr.

Fari svo að félagið verði lagt niður þá verður sú ákvörðun tekin á aðalfundi með auknum meirihluta (fjórir/fimmtu).  Eignir þess skulu renna til félaga/samtaka er starfa í svipuðum tilgangi skv. ákvörðun aðalfundar.

Skrár tengdar þessari bloggfærslu:

• Lög SVB sept 2011

Fréttir af starfi tengiliðs vistheimila.

Frétt tekin af heimasíðu tengiliðs.

Það er að verða komið eitt ár frá því að Tengiliður vistheimila tók til starfa. Margt hefur gerst á þessum tíma, við marga hefur verið rætt og úrlausnarmálin verið margþætt og margvísleg, óháð umsókn um sanngirnisbætur.

Þau heimili sem búin eru sýslumaður hefur úrskurðað um eru:

Breiðuvík, Heyrnleysingjaskóli og Kumbaravogur. Umsóknarfresti er einnig lokið vegna dvalar á Bjargi og í Reykjahlíð, en sýslumaður mun úrskurða vegna þeirra heimila í lok október.

Nú er að hefjast innköllun vegna dvalar á Silungapolli og mun henni ljúka 22.janúar 2012.

Búast má við að innköllun vegna Jaðars verði í lok janúar eða um leið og umsóknarferli vegna Silungapolls lýkur.

Þá eru bara eftir Upptökuheimili ríkisins og Unglingaheimili ríkisins, en Vistheimilanefnd mun sennilega ljúka sinni skýrslu vegna þeirra um miðjan eða í lok október. Þau heimili munu þá verða síðust í röðinni.

Tengiliður hefur unnið í mjög góðu samstarfi við fjöldann allan af sveitarfélögum (en sérstakt teymi er t.d. starfandi í Reykjavík), fagfólki og opinberum stofnunum svo eitthvað sé nefnt.

Tengiliður aðstoðar líka einstaklingana sem hingað koma við margs konar úrlausnir vandamála. Sálfræðiaðstoð er þar stærsti þátturinn og hefur tengiliður samið við mjög mörg sveitarfélög um greiðslu kostnaðar vegna þessa til þeirra einstaklinga sem þörf hafa fyrir slíkann stuðning.

Húsnæðismál, menntunarmál, heilbrigðismál og önnur mál af svipuðum toga koma einnig til kasta tengiliðs. En ekki er það þó þannig að tengiliður hafi yfir styrkjum eða fjármunum að ráða fyrir einstaklinga, slíkt ber að sækja um á viðeigandi stöðum allt eftir því sem þörf er fyrir hverju sinni en tengliður leiðbeinir eintaklingum um það hvar og hvaða þjónustu er að fá í hverju tilfelli fyrir sig og kemur oft á tengslum milli eintaklinga og stofnana. Rétt er að árétta að öll mál einstaklinga hjá tengilið, hvort sem það eru umsóknir eða annar stuðning eru trúnaðarmál.

Til þess að gefa mynd af umfangi starfsins á þessu eina ári þá hafa yfir 300 umsóknir farið í gegnum tengilið, símtöl hafa verið yfir 500, (en skráð eru öll símtöl sem berast tengilið). Þá er ótalinn sá mikli fjöldi tölvupósta, smáskilaboða og gsm símtala sem einnig berast. Margir nálgast tengilið í gegnum fésið, þó svo að það verði seint talinn opinber vettvangur tengiliðs, en það segir kannski meira um það hversu aðgegnilegur tengiliður er og hversu auðvelt er að koma boðum og óskum um aðstoð á framfæri við hann.

Sennilega væri hægt að segja frá með góðri samvisku að Tengiliður vistheimila væri búinn að sinna á einn eða annan hátt um og yfir 1000- 1200 manns á þessu eina ári.

Þar sem tengilður er einn í þessu starfi þá getur stundum verið snúið að vera með fólk í viðtali á meðan sími hringir. Þá er ekki um annað að ræða en að biðja fólk að hringja aftur eða að ég hringi til baka og vona svo að símhringingin hafi valdið sem minnstri truflun í viðtalinu sjálfu. Þannig þarf einfaldlega að spila af fingrum fram, gera sitt besta, reyna að þjóna öllum vel og vera styðjandi við þá einstaklinga sem hingað leita. Það er faglegur ásetningur minn og svo mun verða áfram.

Fréttabréf stjórnar SVB.

                

BREYTINGAR Á AÐAL- OG VARASTJÓRN

Fyrsti fundur stjórnar SVB

Sú breyting hefur átt sér stað frá því að auka aðalfundur SVB var haldinn 27.09.sl. að einum traustasta félaga okkar Friðriki Þór Guðmundssyni, sem  kjörinn var í aðalstjórn SVB hefur  hlotnast sá heiður að vera kjörinn formaður

Borgara hreyfingarinnar ( BH ) á aðalfundi flokksins þann 29.09.  sl. Friðriki Þór er óskað  velfarnaðar í nýja starfinu.

Þessi óvænta breyting á högum  Friðriks Þórs Guðmundssonar kallar á tilfæringar milli aðal- og

varastjórnar, vegna væntanlegra anna hjá Friðriki Þór í nýja starfinu.  Við verðum þó þeirrar ánægju aðnjótandi,  þrátt fyrir hið nýja starf hans  hjá BH.  að Friðrik Þór sem  starfað  hefur með fórnfúsu sjálfboða -liðastarfi að málefnum vistheimilabarna frá upphafi, þrátt fyrir að eiga ekki vistheimilasögu sjálfur, þ.e. hafi  ekki dvalið á vist- heimilum eins og þorri félags manna SVB,  mun starfa áfram með okkur í SVB. Þær breytingar sem átt hafa  sér stað  vegna þess sem að  framan er sagt eru eftir farandi:  Friðrik Þór Guðmundsson sem kjörinn var í aðal- stjórn,  tekur sæti Einars D. G. Gunnlaugssonar sem 1. varamaður í varastjórn.

Einar D. G. Gunnlaugsson sem kjörinn var sem 1. varamaður í varastjórn tekur sæti Friðriks Þórs í

aðalstjórn sem ritari stjórnar.

           

 

 

Aukaaðalfundur    Kosningar

Önnur mál borinn upp á fundinum.

 

 

Endurflutt var tillaga Friðriks Þórs  Guðmundssonar og Einars D. G. Gunnlaugssonar um  félagsgjald kr. 1000, tillagan var samþykkt með miklum meirihluta fundarmanna. Stjórnin hefur ákveðið að gjalddagi verði 1.maí.

Gjaldið skal endurskoða ár hvert á aðalfundi.

Þar sem sitjandi stjórn ákvað að láta af embætti  þurfti að kjósa nýja aðal-og varastjórn.  Nýtt framboð var kynnt á fundinum en það voru þau Víglundur Þór Víglundsson sem bauð sig fram til formanns,en ásamt honum buðu sig fram þau Elsa G. Björnsdóttir, Guðný Sigurgeirsdóttir, Friðrik Þór Guðmundsson, Þráinn Eðvaldsson, í varastjórn bauð sig fram Einar D. G. Gunnlaugsson . Á fundinum buðu sig fram auk framangreindra þeir þeir Gísli Már Helgason til formanns og til varastjórnar, og Björgvin Kristbergsson og Georg Viðar Björnsson til stjórnarsetu. Atkvæði féllu á eftirfarndi máta:

Formannskjör:

Víglundur Þór Víglundsson fékk 16 atkvæði. Gísli Már Helgason fékk 4 atkvæði.

Atkvæði til stjórnar féllu á eftirfarandi hátt.

Elsa G. Björnsdóttir 18 atkv.    Guðný Sigurgeirsd.  15 atkv. Friðrik Þór Guðmundsson 14 atkv. Þráinn Eðvaldsson 14 atkv. Gísli Már Helgason 7 atkv. og Björgvin Kristbergsson 2 atkvæði. Til varastjórnar: Einar D. G. Gunnlaugsson 19 atkv.  Georg Viðar Björnsson 18 atkv. Gísli Már Helgason 7 atkv. og Björgvin Krisbergsson 2 atkvæði.

 

 

 

Til félagsmanna svb.

Þetta fyrsta tölublað er tilraun stjórnar SVB til að koma upplýsingum með aðgengilegu hætti. Við vonum að þetta mælist vel fyrir.

Ef þið hafið efni stuttar greinar sem þið viljið koma á framfæri í Fréttabréfinu, þá er best að send það á Einar D. G. Gunnlaugson   með tölvupósti á [e-mail]

 

 

 

 

Verkefnalisti stjórnar SBV.

 

VERKEFNALISTI STJÓRNAR SVB .

           

             VARANLEGT HÚSNÆÐI.

1.      Bráðnauðsynlegt er að taka á húsnæðismálum SVB með viðræðum við Reykjavíkurborg.

• Ný stjórn SVB mun fara fram á viðræður við þá borgarfulltrúa sem getið er um í gögnum fyrrverandi stjórnar SVB.
• Að samþykkt borgarráðs um húsnæðismál SVB, frá 18.11.2010 verði virkjuð og komið í framkvæmd.

 

ÁRGJALD   SVB.

2.      Ákvarða gjalddaga t.d. 1.maí vegna 1000,- króna árgjaldsins, og auglýsa bankareikning SVB svo félagsmenn sem hafa möguleika á að leggja inn á reikninginn með heimabanka á netinu geti gert svo.

• Þeir sem ekki hafa slíka aðstöðu, þ.e. að greiða árgjaldið rafrænt, geta greitt það á þeim fundum sem fram fara fram fyrir 1. september ár hvert, eða komið við í banka og lagt upphæðina þannig inn á reikning SVB.

Frjáls framlög:

• Sömu greiðslumátar eiga við fyrir þá aðila sem vilja styrkja SVB með frjálsum framlögum.

 

FÉLAGATAL   SVB.

3.      Farið verður í að uppfæra félagatal SVB og hún gerð rafræn með þeim

upplýsingum sem nauðsynlegar eru.

 

             

SANNGIRNISBÆTUR :

STYTTING  BIÐTÍMA  SÍÐARI HLUTA  SANNGIRNISBÓTA.

4.      Farið verður í eftirfylgni með flýtingu útborgunar á síðari hlutum sanngirnisbóta. Ný stjórn  skal fara fram á fund með innanríkisráðherra, með aðstoð tengiliðar, þar sem könnuð verði hver staða flýtimeðferðarinnar er á síðari greiðslum sanngirnisbóta.

• Fordæmið er þegar til staðar þar sem fórnarlömb biskups fengu sínar sanngirnisbætur greiddar í einu lagi.

 

STYRKTARAÐILAR:

5.      Gerð verði áætlun um að sækja um styrki hjá fyrirtækjum.  Samið verði staðlað bréf um styrkbeiðni til handa SVB,  sem sent verður til fyrirtækja. Í bréfinu komi fram  að stjórnarmenn SVB séu reiðubúnir til að koma til fundar vegna styrkbeiðninnar, ef óskað er eftir.

 

FÉLAGSSTARF  SVB.

6.      Þau atriði sem falla undir félagsstarf  SVB gætu verið eftirfarandi

• Spilakvöld - Félagsvist - Bridge
• Bingókvöld - Einfalt mál er að halda rafrænt Bingó með tölvuútdrætti.
• Fræðslukvöld um ýmis mál - Fyrirlestrar með myndastuðningi.
• Mynda- og Videokvöld með myndvarpa.
• Einföld nám
• Farið verði í 1 ferðalag á ári t.d. dagsferð.

SKYPE væðing

7.      Stjórnin mun stefna að SKYPE væðingu eða öðru samskiptaformi vegna þeirra félagsmanna sem búa út á landi og erlendis.

 

HEIÐURSFÉLAGAR:

8.      Heiðra þá sem teljast velunnarar SVB.

• Ýmsir aðilar hafa unnið þrotlaust og óeigingjarnt starf fyrir samtökin. Menn eins og Friðrik Þór, Þór Saari og fl. sem hafa í raun engra hagsmuna að gæta, en hafa verið mikilvægir fyrir okkar ungu samtök.

 

FUNDAGERÐIR:

9.      Fyrirkomulag fundargerða.

• Fundargerð verður rituð á hverjum fundi með hefðbundnum hætti, það er hún verður rituð með bráðabirgða formi á hverjum fundi, en hreinskrifuð á milli funda. Ritari mun svo lesa fundargerð síðasta fundar í upphafi þess næsta og stjórnarmenn munu undirrita hverja fundargerð að loknum upplestri.
• Mögulegt er að setja fundargerðir inn á vef SVB.

 

FRÉTTABRÉF:

10.  Kannað verður hvort ekki sé rétt að samtökin gefi út Fréttabréf sem sett verður inn á vef og Facebook SVB.

• Fréttabréfið innihéldi m.a. upplýsingar frá stjórn SVB til félagsmanna.
• Félagsmenn verði hvattir til að senda inn stuttar greinar/myndir til ritara sem mun ritstýra Fréttabréfinu.
• Útgáfa slíks Fréttablaðs færi eftir efnum og ástæðum, þó helst ekki sjaldnar en annan hvern m
• Hugsanlega mun stjórnin hafa samkeppni meðal félagsmanna um nafn á Fréttabréfinu.

 

 

 

Þessi verkefnalisti er ekki endanlegur, því önnur mál sem ekki eru tilgreind hér koma upp þá auðvitað verður tekið á þeim.

 

Fundarboð á aukaaðalfund SVB.

Stjórn samtaka vistheimilabarna boðar hér með til aukaaðalfundar þann 27. september kl. 19:30 í Reykjavíkur-Akademíunni JL húsinu Hringbraut 121.

Efni fundar: Stjórnarkjör og önnur mál.

Félagar eru hvattir til að mæta tímanlega.

 ATH: Á aðalfundum og auka-aðalfundum hafa eingöngu þeir kosningarétt og kjörgengi sem formlega eru skráðir í samtökin, í framhaldi af inntökubeiðni. Skráning á facebook-síðu er ekki ígildi þess. Því er brýnt að áhugafólk um þátttöku í auka-aðalfundinum sé visst um að vera skráðir félagar. Félagatalið sem kjörskrá verður opið til 20. september kl. 19:30 en þá verður því lokað sem kjörskrá og eingöngu þau sem þá eru skráð í félagatalið hafa atkvæðis- og framboðsrétt á auka-aðalfundinum.

Inntökubeiðnir fram til 20. september: [e-mail]

 Stjórn Samtaka Vistheimilabarna

Sævar Ciesielski, Breiðavíkurdrengur, er látinn

Sævar Ciesielski lést af slysförum í Kaupmannahöfn aðfaranótt miðvikudags. Hann hafði verið búsettur þar um skeið. Sævar var einn sakborninganna í Geirfinnsmálinu og hlaut þyngsta dóminn, ævilangt fangelsi í héraðsdómi.

Hæstiréttur mildaði dóminn í sautján ár og sat Sævar inni í níu ár. Eftir að hann losnaði úr fangelsi, árið 1984, hóf hann baráttu fyrir endurupptöku málsins, en hann hélt því alla tíð fram að á honum hefði verið framið réttarmorð. Árið 1993 fór hann fram á endurupptöku málsins, en henni hefur ætíð verið hafnað.

Þættir úr ævi Sævars voru skrásettir í bókinni Stattu þig drengur eftir Stefán Unnsteinsson sem kom út árið 1980. Þar lýsir Sævar barnæsku sinni, en hann dvaldi meðal annars í Breiðavík. Í skýrslu nefndar um áfangaheimilið í Breiðavík er bókin sögð mikilvæg heimild um ástandið þar. (Tekið af Vísi.is)

 

Sævar dvaldi á Breiðavík meðan Þórhallur réð heimilinu.

Langflest fyrrum vistbörn taka sáttatilboði

 Miðað við reynsluna af kröfum vegna Breiðavíkur og Kumbaravogs virðist sem langsamlega flest fyrrum vistbörn þessara staða, sem kröfur gerðu um sanngirnisbætur, hafi tekið flýtimeðferðinni með sáttatilboði frá sýslumanni mjög vel. Ef til vill mætti túlka það sem mikinn sigur fyrir það samkomulag sem náðist og lögin um sanngirnisbætur byggja á.

Ég óskaði eftir tilteknum upplýsingum frá sýslumanni og fékk svör greiðlega. Fyrst er að tiltaka að ákvæðin um innköllunarfrest hafa verið túlkuð kröfuhöfum í vil og hafa þannig bæst við kröfur vegna Breiðavíkur frá því sem áður var greint frá - og þessar "nýju" kröfur hafa verið afgreiddar þótt frestur væri liðinn. Nú er staðan sú að vegna Breiðavíkur bárust alls 123 kröfur. Sýslumanni hafa borist 108  "samþykkt sáttaboð" - sem er 88% krafnanna (9 af hverjum 10 skrifa undir). 5 mál hafa farið til úrskurðarnefndarinnar. Tveimur umsóknum var hafnað. Þrjár umsóknir eru óafgreiddar hjá sýslumanni (bárust nýlega), þrjú sáttaboð eru í skoðun hjá bótakrefjanda (fóru frekar nýlega). Afdrif tveggja sáttaboða eru ókunn, þar sem þeim hefur hvorki verið skilað til okkar, né vísað til úrskurðarnefndarinnar.

Kumbaravogur

Það bárust 18 kröfur vegna Kumbaravogs. Sáttaboð eru farin í 15 tilvikum. Tvö eru ósend og það stafar af því að þau bárust aðeins nýlega. Einni umsókn hefur verið hafnað. Til baka hafa komið 14 undirrituð sáttaboð eða 78%.  Eitt er til skoðunar hjá bótakrefjanda.

 Heyrnleysingjaskólinn

124 kröfur bárust vegna Heyrnleysingjaskólans . Útsendingu sáttaboða var frestað vegna sumarleyfa, allt í senn sumarleyfa hjá sýslumanni, hjá skrifstofu Félags Heyrnarlausra, hjá viðkomandi starfsmönnum innanríkisráðuneytisins og hjá tengiliði vegna vistheimila. Til að mæta þessu er verið að reyna að koma því þannig fyrir að þeir sem fá sáttaboð þurfi ekki að bíða eftir greiðslu til fyrsta dags næsta mánaðar eins og verið hefði, heldur verði reynt að greiða út bæturnar jafnóðum. Með öðrum orðum, segir sýslumannsembættið, þá fá bótakrefjendur fyrstu greiðslu bótanna væntanlega eftir sem áður í ágústmánuði, þótt sáttaboðin berist síðar en áætlað var í fyrstu.

Innkallanir nú og framundan

Núna er í gangi innköllun á kröfum frá vistmönnum á Reykjahlíð og Bjargi. Næst á dagskrá er innköllun á kröfum frá þeim sem voru vistaðir á Silungapolli. Þar voru vistaðir í heildina nálega 1.000 einstaklingar svo það er ekkert vitað hversu margar kröfur kunna að berast. Síðan verður innköllun vegna Jaðars og að lokum vegna Unglingaheimilis ríkisins og Upptökuheimilis ríkisins. "Það er ekki ljóst hvenær það verður en rannsóknarnefnd Róbert Spanó mun skila skýrslu vegna þessara síðustu heimila í október. Á þessum níu heimilum sem falla undir lög um sanngirnisbætur voru vistaðir um 4.600 einstaklingar, sem margir hverjir eiga líklega bótarétt.  Þess má geta að Norska ríkið greiddi 9.800 einstaklingum bætur á árunum 2006-2010 (líklega mest vegna vistheimila þó það sé ekki nákvæmlega sundurgreint), en það eru 15,3 Norðmenn á móti hverjum Íslendingi, svo þessi tala hér er býsna há í því samhengi," segir Hallór Þormar hjá sýslumanni (Norðmenn eru sem sagt 15,3 sinnum fleiri en Íslendingar).

fþg