Sævar Ciesielski, Breiðavíkurdrengur, er látinn

Sævar Ciesielski lést af slysförum í Kaupmannahöfn aðfaranótt miðvikudags. Hann hafði verið búsettur þar um skeið. Sævar var einn sakborninganna í Geirfinnsmálinu og hlaut þyngsta dóminn, ævilangt fangelsi í héraðsdómi.

Hæstiréttur mildaði dóminn í sautján ár og sat Sævar inni í níu ár. Eftir að hann losnaði úr fangelsi, árið 1984, hóf hann baráttu fyrir endurupptöku málsins, en hann hélt því alla tíð fram að á honum hefði verið framið réttarmorð. Árið 1993 fór hann fram á endurupptöku málsins, en henni hefur ætíð verið hafnað.

Þættir úr ævi Sævars voru skrásettir í bókinni Stattu þig drengur eftir Stefán Unnsteinsson sem kom út árið 1980. Þar lýsir Sævar barnæsku sinni, en hann dvaldi meðal annars í Breiðavík. Í skýrslu nefndar um áfangaheimilið í Breiðavík er bókin sögð mikilvæg heimild um ástandið þar. (Tekið af Vísi.is)

 

Sævar dvaldi á Breiðavík meðan Þórhallur réð heimilinu.

Athugasemdir

[Anna , 14.7.2011 kl. 12:13]

Ég var búin að minnast á þetta neðar á blogginu. Ég var búin að finna þetta á mer að hann ætti ekki langt eftir. Þegat ég talað við hann fyrir örfáum vikum síðan sagði ég honum frá draumi sem mig dreymdi. Hann var að koma úr Hæstarétti með vinum sínum og hafði verið hreinasaður að G. málinu. Og ég sagði við hann að ég triði því að svo yrði. Hann sagði að hann lifði fyrir það eina að verða hreinsaður af því máli. En svo varð ekki.Hans saga er sorgleg ævi saga.

[SVB, 16.7.2011 kl. 10:36]

Ég og örugglega allir félagsmenn samtakanna sendum þér Anna og öðrum vandamönnum og vinum Sævars hugheilar samúðarkveðjur vegna fráfalls Sævars. Hann er að líkindum Breiðavíkurdrengur númer 37 til að glata lífi sínu og nálgast hlutfall látinna Breiðavíkurdrengja nú 30%.

Sævar var fæddur 6. júlí 1955 og því aðeins 56 ára er hann lést. Hann var sonur hjónanna Sigurbjargar Guðjónsdóttur og Michael Ciesielski (þau skildu síðar), sem bjuggu að Grýtubakka 10 í Reykjavík, þegar Sævar var sendur til Breiðavíkur 19. janúar 1969, 13 ára, næstelstur fjögurra systkina.  Áður hafði hann verið sendur að Jaðri (1966-67). Frá Breiðavík var hann sendur 21. apríl 1970.

[Halldora Olafsdottir (IP-tala skráð) 16.7.2011 kl. 11:00]

Bara svo sorglegt. Votta hlutaðeigandi aðilum samúð mín.

[Anna , 24.7.2011 kl. 20:23]

Þakka ykkur fyrir kveðja Anna Björg

[Anna , 1.8.2011 kl. 09:04]

Þessi mynd er svo fín af Sævari sem þið eruð með.. Ég vildi bara segja ykkur að Sævar bróðir minn verður jarðaður á Stóranúpi fyrir austan. Hann vildi það því hann fæddist fyrir austan. Þetta er um 1.30 kl. keyrsla frá bænum. Kveðja Anna Björg.

[Friðrik Þór Guðmundsson (IP-tala skráð) 3.8.2011 kl. 13:09]

Minningarorð séra Arnar Bárðar um Sævar er að finna á eftirfarandi slóð:

http://ornbardur.annall.is/2011-08-02/saevar-marino-ciesielski-1955-2011/#more-3349