"Ljúkum þessu strax"

 Um leið og minnt er á aðalfund Breiðavíkursamtakanna miðvikudaginn 29. apríl næstkomandi kl. 20-22 (mæta 19:40) í fundarsal Reykjavíkurakademíunnar við Hringbraut (4. hæð) er okkur ljúsft og skylt að birta hér bréf sem okkur hefur borist frá félaga í samtökunum, Jóhanni Þór Hopkins. Bréfinu verður svarað fljótlega í athugasemdadálkinum.

 "Nú er nóg komið. Ég forvitnaðist um stöðu mála hjá Breiðavíkursamtökunum, fátt um svör annað en það að það borgi sig ekki að vera með einhvern asa, málið sé í góðum farvegi, en við nánari athugun þá kemur annað í ljós.

Skrifstofa Samfylkingarinnar segir að málið sé í samningaferli.

Lögfræðingurinn segir að EKKERT sé að gerast í málinu.

Samtökin hafa engin önnur svör en að þetta sé bara svona. 

Svo eru bara auglýstir spjallfundir ??? Eru menn ekki búnir að velta sér nóg uppúr þessu? Ljúkum þessu strax.

Nú eftir að málið er búið að vera að veltast í höndum stjórnarinnar á annað ár og ekkert að gerast.

Eru samtökin ekki bara á góðri leið með að klúðra málinu með einhverjum óheyrilegum kröfum? Gleymum því ekki að lagalega er máli fyrnt, og það að vera að ræða um einhverja tugi milljóna er bara út í hött.

Ég held satt að segja að þetta sé komið úr böndum og að menn ættu bara að fara að huga að sjálfstæðum aðgerðum. Ekki er þessi stjórn að gera neitt. Er málinu ekki bara betur komið i höndum einstaklingana sjálfra?

Jóhann Þór Hopkins.

Athugasemdir

[Friðrik Þór Guðmundsson, 21.4.2009 kl. 00:20]

Þakka þér fyrir bréfið Jóhann Þór.

Nei, það er ekki búið að klúðra neinu og raunar má segja að þessi mál hafi varla getað gengið neitt hraðar fyrir sig. Það er vandasamt að leysa úr svona málum og ekki vilja stjórnarmenn samtakanna meina að farið hafi verið af stað með "óheyrilegar kröfur".

Hjá Geir H. Haarde sigldu þessi mál reyndar svolítið í strand þegar hann sendi sína menn á okkur með aldeilis fráleitar hugmyndir og svo fór ráðuneytið í fýlu af því að fréttir af þessu láku út einhvern veginn. Eftir stjórnarskiptin í febrúar hefur viðhorfið hlýnað hjá Jóhönnu Sigurðardóttur. Við höfum kynnt þessi mál ágætlega fyrir félagsmönnum á félagsfundum og þeir vita allt um gang mála og meira að segja hefur verið samþykkt ákveðin samningaleið með samhljóða atkvæðum. Allir sammála. hvað hraðann varðar þá eru skoðanir einfadlega skiptar um hvort drífa eigi einhverja samninga af og þá hugsanlega gegn lægri bótum, eða láta þetta taka sinn tíma og semja um hærri bætur. 

Það gleður mig að nefna að stjórn Breiðavíkursamtakanna er að fara að hitta fulltrúa forsætisráðuneytið nú í vikunni að kasta hugmyndum á milli. Málið er því engan veginn í strandi eða því klúðrað. Þessi fundarhöld munu eiga sér stað og hugsanlega og vonandi verður hægt að tala um mikilvægan áfanga á komandi aðalfundi (því þó ekki lofað, eðli málsins samkvæmt). 

Þróun þessara mála hefur öll verið reifuð á félagsfundum. Stjórnin liggur ekki á neinum upplýsingum - er ekki að leyna neinu. Þú hefur ekki spurt okkur neinna spurninga sem við höfum ekki viljað svara. Stjórnin telur sig geta með góðri samvisku sagt að málin hafi þokast bara nokkuð vel áfram, ef frá er talið tiltekið tímabil í vetur, eftir að samfélagið hrundi á einum bretti!

bestu kveðjur og í fullri vinsemd,

f.h. stjórnar, fþg

[Helgi (IP-tala skráð) 21.4.2009 kl. 00:53]

Breiðavíkursamtökin eru ástæða þess að þetta mál er yfirleitt í kerfinu eins og er.. Eins og efnahagurinn og atvinnumál og annað eins er eins ílla statt og nú er flest annað látið sitja á hakanum. Þetta mál líka. Sérstaklega ef það kallar á bætur.

Persónulega og almennt er þessu fólki skítsama um ykkur eins og áður. þú gast lifað í drullunni allan þennan tíma þá geturu beðið þangað til þeir nenna að spá í þessu.. Ef einhverntímann. fyrst kreppan, svo hinn.. svo þessi... svo hvað.?? pottþétt ekki þið.

Ég var á Breiðuvík í 2 ár.. ekki þessum "golden" tíma ykkar þó. við vorum samt barðir í klessu. látnir ná í grjót niðrí fjöru í hjólbörum og svo aftur barðir í klessu. Ég man eftir þegar Jónas barði mig í svefn með ál ruslatunnu. Og veistu hvað.. mig langar ekki í krónu fyrir það. Einn daginn ætla ég að berja hann í endanlegan svefn með "stál" ruslatunnu. hann á ekkert minna skilið. 

En með þetta skaðabótamál.. þá er ég sammála. öll þessi bið lítur út eins og ríkið ákveði hvað og hvenær hlutirnir verði teknir í gegn.  

[Friðrik Þór Guðmundsson, 21.4.2009 kl. 10:16]

Takk fyrir innleggið Helgi.

Það er hárrétt að efnahagshrunið hægði verulega á öllum þreifingum í þessu máli og kannski vegna þessa hruns sem forsætisráðuneyti Geirs Haarde kom með aldeilis fráleit frumvarpsdrög um smánarbætur og geðlæknamat. Ég hef engan heyrt sem vildi stökkva á þann ósóma.

Eftir að hafa verið úti í kuldanum hefur loks komist einhver hreyfing á málin eftir stjórnarskiptin síðustu. Nú eru menn að tala saman. 

En, helgi minn, ég bið þig um að gæta orðbragðsins og ekki hóta ofbeldi hér.

[Jóhann Þór Hopkins (IP-tala skráð) 21.4.2009 kl. 14:54]

Skil Helga vel ég er sjálfur sár og vondur innra með mér, í hvert sinn sem þetta mál bregður á góma þá fyllist ég hefnigirni og heift, tapa svefni og myssi matarlyst svo ekki sé talað um skapið,  alt fer úr formi, þess vegna og   þessv egna eingöngu vil ég að þessu máli ljúki, mér líður eins og afbrotamanni sem hefur eithvað að fela, og á þess ósk heitasta að þessu ljúki svo að við getum allir farið að reina að vinna okkur út úr málinu hver á sinn hátt, og ef einhver spyr hvort peningar skipti einhverju máli í þessu samband þá gera þeir það auðvitað, en afsökunarbeiðnin frá jóhönnu var mikils virði.

[Baldur Gardarsson (IP-tala skráð) 22.4.2009 kl. 11:47]

Sælt veri fólkið.

Mig langar að biðja ykkur að hemja skapið og alls ekki vera með hótanir, það gæti rýrt trúverðugleika samtakanna. Ég skil vel að menn séu reiðir, hef sjálfur rætt við nokkra sem eru það, t.d. kollegi ykkar sem býr erlendis, sem var beinbrotinn af yfirvöldum sem unglingur. Af honum og sambýliskonu hans var seinna tekið barn, sem hann hefur aldrei fengið að vita hvers afdrif urðu. Auðvitað eru menn reiðir og sárir, annað væri óeðlilegt. En það verður að vinna þetta málefnalega. Ég bendi á að líklega kemst Borgarahreyfing á þing á laugardaginn, þar er fólk, sem er hliðhollt samtökunum, eða meðlimir þeirra, og getur vafalítið hnikað málinu áfram eftir kosningar.

Varðandi það að fólki sé sama um Breiðavíkurdrengi (og stúlkur), þá er það nú ekki allsskostar rétt, þið njótið samúðar ákveðins hóps, hversu stór hann er veit ég ekki, en ég hef t.d. (þrátt fyrir að vera gamall starfsmaður á níunni í Kópavogi) marglýst yfir að ég sé reiðubúinn að axla mína ábyrgð og hef í því skyni haft samband við aðila til að þoka þessu áfram.  Auk þess er málið athygisvert frá mannréttindasjónarmiði. Þá stendur upp á Ríkið að bæta mönnum upp menntunarleysi, a.m.k. einn Breiðavíkurdrengur hefur verið að strögla í því, ég hef stutt hann í því eins og ég get.

Kveðja, Baldur Garðarsson  [e-mail]

[Friðrik Þór Guðmundsson, 1.5.2009 kl. 09:44]

Við söknuðum ykkar á aðalfundinum, Helgi og Jóhann Þór.

Kv. fþg

[jóhann þór Hopkins (IP-tala skráð) 5.5.2009 kl. 15:46]

Er ekki mikill fundarmaður,enda sé ég ekki að þessir fundir hafi skilað neinu, en getur einhver útskírt fyrir mér það sem formaðurinn var að segja skil ekki orð af því sem maðurinn er að bulla Rami- umsóknarferill og bla bla bla semsagt ekkert að gerast ég er kanski svona vitlaus en af hverju er ekki hægt að segja þetta á mannamáli, mér sýnist þetta vera altof flókið var ekki hugmyndin að semja bara um einn fyrir alla og allir fyrir einn en ekkert stöðumat feril rammi omsóknarferill og svo frmamvegis, eftir að hafa lesið hvað fram fór á þessum fundi sé ég ekki að neitt hafi gerst, það verður eflaust verið að ræða þetta til frambúðar, þar sem farið er að ræða þörf fyrir fastar tekjur leigu á skrifstofu og svo framvegis.