Aðalfundur BRV 29. apríl - 2ja ára afmæli

Eins og þeir vita sem fengið hafa fundarboð þá verður aðalfundur Breiðavíkursamtakanna 2009 haldinn miðvikudagskvöldið 29. apríl komandi - á tveggja ára afmælisdegi samtakanna.

Nánar tiltekið: Aðalfundur kl.20 til 22 miðvikudagskvöldið 29. apríl í fundarsal Reykjavíkurakademíunnar á 4. hæð JL-hússins við enda Hringbrautar (ekki 3. hæð eins og sagt var í fundarboði). Æskilegt að fundargestir mæti um kl. 19:40 til að heilsast og spjalla áður en fundur hefst.

Á dagskránni eru venjuleg aðalfundarstörf, utan hvað ekki er kosið í stjórn samtakanna í ár, þar sem hver stjórn situr í 2 ár samkvæmt lögum samtakanna. Einhver hressing verður í boði, einkum í tilefni afmælisins. Eins og gefur að skilja fellur þriðjudagsfundur mánaðarins niður.

Athugasemdir

[Jóhann Þór Hopkins (IP-tala skráð) 20.4.2009 kl. 15:43]

Hvað er í gangi,  leiga á skrifstofu tveggja ára afmælisfundur og svfrv er þett orðin einhver skemtiklúbbur voru samtökin ekki stofnuð til þess að kanna möguleika á bótum handa fyrverandi vistmönnum, tvö ár og ekkert að gerast, málið eintómt rugl.

[Hannes H. Gilbert (IP-tala skráð) 20.4.2009 kl. 21:11]

Sæll Jóhann,

 Hélstu virkilega að við mundum fá bætur ? Ég hef alltaf sagt það að það var farið illa með okkur og það munu þeir gera aftur. Taktu vel eftir því. Við erum úrkast í augum þessara fínu ráðamanna. Það er mín skoðun. Ríki og sveitafélög bera ábyrgð á því hvernig farið var með okkur eins og hverja aðra ómaga sem hægt var að fara illa með í skjóli ríkisins. Hvað gerði sálfræðingur Breiðavíkur ? Hann reyndi að breiða yfir þetta allt með kolvitlausum greiningum á okkur öllum. Ég er hættur að velta mér upp úr þessi kjaftæði með bæturnar, það gerir bara illt verra að vera að því. Þessi tillaga að samkomulagsbótum er því líkt kjaftæði að mér dettur ekki í hug að ganga á milli þessara fínu sérfæðinga sem eiga að meta hversu illa skaddaðir við erum á sál og líkama eftir dvölina. Það er þó nokkuð síðan ég sá það fyrir mér að þessi kafli í okkar lífi mun ekki taka enda fyrr en við erum komnir undir grænatorfu.

Ég fór fyrir 4 árum til Breiðuvíkur og fékk mig ekki til þess að stíga út úr bílnum. Ók af stað aftur með tárin í augunum og hef ekki komið þangað síðan. Núna tel ég mig tilbúinn til þess að fara aftur vestur og sættast við staðinn sem slíkan. En þeim sem gerðu mér þetta vona ég að þeir rotni í helvíti til eillífðar.

Kær kveðja

Hannes

[jóhann Þór Hopkins (IP-tala skráð) 21.4.2009 kl. 16:17]

Sæll Hannes mikið er ég smammála þér,  ég fór sjálfur vestur fyrir tveimur árum, hafði mig í að fara inn þrátt fyrir mikin óhug en er ég gekk inn gangin að mötuneitinu framhjá herberginu mínu fékk ég taugaáfall alt varð svart ég gat ekki andað og ég fyltist ofsahræðslu, hljóp blindaður af tárum út og langt niður á sanda þar sem ég hné niður skjálfandi eins og hrísla. Á þennan bölvaða stað fer ég aldrei aftur ótilneiddur.