75% Breiðvíkinga með bótakröfu - næsta innköllun auglýst í dag

Alls fær sýslumaðurinn á Siglufirði 119 kröfur um sanngirnisbætur frá fyrrum vistmönnum Breiðavíkur og erfingjum látinna vistmanna Breiðavíkur. Vistmenn á Breiðavík voru alls 158 og því koma fram bótakröfur vegna 75% þeirra. Innköllun krafna vegna vistmanna Kumbaravogs og Heyrnleysingjaskólans hefst í dag, 3. febrúar, samkvæmt auglýsingu í blöðum dagsins.

Viðtöl hófust hjá tengilið vistheimila vegna Breiðavíkurbarna þann 11. október síðastliðinn og síðasta krafan fylltist út 26. janúar. Alls höfðu 191 einstaklingar hringt og rætt við tengilið til að fá ýmsar upplýsingar og bóka viðtalstíma. Af 119 kröfum á umsóknareyðublaði voru 17 frá erfingjum látinna Breiðvíkinga, en alls eru látnir Breiðvíkingar (tímabilsins 1953-1980) nokkuð á fjórða tuginn.

Auk þess að veita liðveislu vegna kröfuumsókna vann tengiliður í ýmsum öðrum málum fyrir eða vegna Breiðvíkinga; svo sem Félagsþjónustu sveitarfélaga (gert samkomulag eftir því sem mál bárust vegna stuðningsþjónustu við einstaklinga sem þess óskuðu og þurftu á að halda), sálfræðinga (sem haft hafa einstaklinga í viðtölum vegna vistunar, svo og til að koma nýjum einstaklingum í viðtöl), einstaklinga/fagmenn með sérþekkingu á þessum málaflokki, lögfræðinga vegna einstaklingsmála og ráðgjöf til lögfræðinga, samtöl við starfsmenn heimila/stofnana sem hafa með fyrrum vistmenn að gera (geðhjálp,athvörf,félagsþjónusta ofrv.), Reykjavíkurborg (starfandi er teymi starfsmanna í þessum málaflokki og er tengiliður aðili að því) og ráðuneyti málaflokksins. Fyrir utan samstarf við aðila eins og Vistheimilanefnd (Spanó-nefnd) og Breiðavíkursamtökin (nú Samtök vistheimilabarna).

Innköllun krafna vegna skýrslu nr. 2 er auglýst í blöðum dagsins og nær til fyrrum vistmanna Kumbaravogs (1965-1984) og Heyrnleysingjaskólans (1947-1992). Í auglýsingunni kemur fram að kröfur þurfi að berast fyrir 20. maí en annars fellur rétturinn niður.  Kröfu má lýsa á eyðublaði sem er að finna á www.sanngirnisbætur.is eða hjá tengilið vistheimila (sjá upplýsingar hér til vinstri á síðunni).

Nú í byrjun febrúar eru 4 ár liðin frá því að málefni Breiðavíkur og fleiri heimila komust í kastljós fjölmiðlanna.

UPPFÆRSLA um sálfræðiþjónustu:

Tengiliður vistheimila hefur unnið í samstarfi við ýmis sveitarfélög vegna kostnaðar við sálfræðiþjónustu við einstaklinga sem dvalið hafa á þeim stofnunum sem lög um sanngirnisbætur ná til.  

Þar sem stór hluti þessara einstaklinga kemur frá Reykjavík var búið til sérstakt teymi hjá Reykjavíkurborg sem er með þessi mál og er Tengiliður aðili að því teymi.  Um er að ræða fagfólk með mikla reynslu og þekkingu á úrræðum og stuðningi.  Gert hefur verið samkomulag við nokkra sálfræðinga til að sinna þessum hóp (bæði frá Reykjavík og öðrum sveitarfélögum).  Nokkrir hafa þegar nýtt sér þessa þjónustu sveitarfélaganna og má búast við að fleiri notfæri sér  slíkt eftir því sem fleiri heimili bætast við vegna innköllunar um sanngirnisbætur.

Athugasemdir

[Anna , 4.2.2011 kl. 17:13]

Er vitad hvada ar tessi mynd var tekin af strakunum.?

[Anna , 4.2.2011 kl. 17:23]

Mer synist ad brodir minn se tarna. Hann hallar ser fram er i dokkum jakka. Hann mundi vita hverjir vaeru tarna og nofn teirra.

[Anna , 4.2.2011 kl. 17:35]

Er tessi mynd fr'a arunum 1969 og 1970?

Og getur einhver sagt mer hver er Simon Johann'Agustsson sem gerdi skyrslu um vistheimilid Breidavik. Tessi skyrsla er i gognum Barnaverndarrads Island.

Tessar upplysingar fekk eg hja Thioskajasafni Island.

Hvar annarstadar get eg fengid upplysingar. Brodir minn hefur gefid mer leifi til tess.

[SVB, 4.2.2011 kl. 17:46]

Líklegast er myndin tekin já 67-69.

Ég læt öðrum um að segja þér frá Símoni Ágústi, sem koma á Breiðavík nokkra daga hvert sumar 1959-1973 og skrifaði skýrslur um drengina. En hver er bróðir þinn? kv. Friðrik Þór.

[Anna , 4.2.2011 kl. 22:53]

Saevar Ciesielski.

[Anna , 4.2.2011 kl. 22:57]

Thjodskjalasafn Island segjist ekki vera med mikid af gognum. Tessi Simon er hann slafraedingur sem er busettur a Bretlandi.? Er tad hann sem syndi aldrei skyrsluna felagsmalastofnun?

[Ólafur Unnarson, 8.2.2011 kl. 15:25]

Daginn hér,þessi mynd er tekin fyrir 1969,því ég kom þangað vestur 1 febrúar 1969 og var til  23 ágúst 1971,engin af þessum strákum voru með mér þarna,þannig að Sævar er heldur ekki á þessari mynd Anna Björk,það verða því eldri strákarnir að nafnsetja myndina,kveðja jónÓli (óli litli

[Anna , 12.2.2011 kl. 16:05]

Ég mun athuga þetta.

[Jóhann Þór Jóhannsson (IP-tala skráð) 16.4.2011 kl. 19:11]

Hej! Hafið þið séð 10.ára,gutta.Tekinn m/valdi tjóðraðan niður inni í hlöðu. Buxnaklaufinn opnuð og lillinn tekinn út á litla kút.     Fittlað aðeins við lillann,kálfur sóttur inn í fjós og dreginn inn í hlöðu og settur á spenann!      Þessi grimmd situr mér alla daga í fersku minni!    (Tek það fram ,mitt tippi var ekki tottað,en enginn af okkur vildi vera nærst!)              Es. Sjálfur þurfti ég að fara á sjúkrahúsið á Patró vegna ofbeldis,til eru skýrslur um það!