Svipting barnaverndarnefndar fordæmd

Breiðavíkursamtökin fordæma þá gjörð, sem sagt var frá í fréttum Sjónvarpsins í gærkvöldi, 9. nóvember 2009, að Barnaverndarnefnd Reykjavíkur hefur svipt Helgu Elísdóttur umsjá annars dóttursonar síns, án undangengins dómsúrskurðar, og ætlar að senda hann í fóstur út á land með hraði.

 

Svipting með þessum hætti hlýtur að vera ólögmæt án dómsúrskurðar, jafnvel þótt barnaverndarnefndin telji sig hafa einhver efnisrök í höndum. Sagan sýnir að slíkar nefndir geta hæglega haft rangt fyrir sér og telja Breiðavíkursamtökin að nefndin sé að líkindum að gera nákvæmlega hið sama og gert var við Breiðavíkurbörnin og börn fleiri vistheimila fyrr á árum - farið er fram með offorsi og geðþótta og ákvarðanir teknar í blóra við lög. Breiðavíkursamtökin fordæma þessa siðlausu ákvörðun og krefjast þess að dómsyfirvöld grípi inn í málið áður en drengurinn verður sendur út á land á morgun, miðvikudag. Jafnframt krefjast samtökin þess að svipting Barnaverndarnefndar Reykjavíkur án undangengins dómsúrskurðar verði rannsökuð ofan í kjölinn.

 

Stjórn BRV, 10. nóv. 2009.

Athugasemdir

[Páll Rúnar Elíson (IP-tala skráð) 11.11.2009 kl. 16:29]

Er 100% sammála. Hér er farið að  eigin geðþótta eins og svo oft áður.

[Sigurveig Eysteins, 17.11.2009 kl. 04:07]

Sammála hér.   Annað ég fór fyrir Spanó nefnd fyrir hálfum mánuði og ég er ekki sátt.

Í fyrsta, þá er ég búin að vita að ég færi fyrir þessa nefnd í eina 6-7 mánuði, og á meðan ég hef beðið, hefur magnast upp kvíði fyrir þessum degi. Ég var sem betur fer búin að skrifa allt sem ég man niður í bók árið 2007, ég tók þessa bók með mér, enda kom á daginn að ég lokaðist, þegar viðtalið hófst, svo ég las upp úr bókinni fyrir þessa manneskju sem tók viðtalið við mig, þegar viðtalinu lauk ( eftir 45. mín) spurði þessi manneskja mig hvort eitthvað hræðilegt hefði komið fyrir mig sem ég gæti sagt frá, ég varð næstum orðlaus, ég hélt að ég hefði verið að því og sagði það við hana.  Spurningin er þessi. Af því að ég varð ekki fyrir hræðilegum barsmíðum og viðbjóðslegu kynferðislegu ofbeldi, heldur aðeins hræðilegri meðferð, þar sem kemur við sögu mannvonska, þá var þetta bara í lagi. Ég veit ekki hvernig ég á að túlka þetta en þetta hefur legið mjög á mér síðustu daga, ég ætla bara rétt að vona að þetta hafi verið klaufalega orðað hjá þessari manneskju sem tók við mig viðtalið. Eins mátti ég ekki tala um afleiðingarnar af þessari meðferð sem ég varð fyrir og ég bý en við í dag. Fróðlegt væri samt að vita hvort einhver annar hefði upplifað það sama og ég. Eins hafði ég það á tilfinningunni að mér væri ekki trúað, aðallega vegna þess að ég var aðeins 5. ára þegar þessir hlutir gerðust, en ég man þetta mjög vel eins og það hefði gerst í gær. Ég varð fyrir ákveðnum vonbrigðum með þetta viðtal. Í staðinn fyrir sátt og að þessu væri lokið, þá hangir þetta enn yfir mér.

[Baldur Garðarsson (IP-tala skráð) 20.11.2009 kl. 19:23]

Sælt veri fólkið. Ég á væntanlega eftir að fara fyrir þessa nefnd og hef verið að undirbúa það lengi. Þekki ekki hvernig þessi viðtöl fara fram en það er vissulega áhugavert með hvaða hætti það er gert. Ég þekki ekki hvar Sigurveig var vistuð eða hverjar minningar hún á um það, en það hafa fyrrv. vistmenn sagt mér að það séu þung sporin inn í viðtöl við þessa fulltrúa kerfisins, sumir fara hreint ekki, eða treysta sér ekki til að ræða um allt sem þyrfti að ræða.

Minn vinkill  á málið er reyndar annar, þar sem ég er fyrrv. starfsmaður Upptökuheimilisins, en mín tilfinning er sú að það fólk sem um ræðir þyrfti að geta rætt þetta við einhvern, sama á reyndar við um aðila eins og mig, sem sitja inni með upplýsingar sem ekki (eða varla) má greina frá vegna þagnarskyldu, en sem fólk verður að lifa með héðan af. Ég hef árum saman hvatt til þess að málin verði gerð upp, og þykir hægt ganga, en þó að mínum hluta ljúki með e.s. konar skýrslugjöf til nefndarinnar mun ég sitja uppi með þá staðreynd að ég vann þarna og ber líklega mína ábyrgð á mistökum þar. Þá reynslu get ég varla rætt við neinn af neinu viti, svo mér kemur líklega til með að líða svipað og Sigurveigu.

Bestu kveðjur til ykkar allra, Baldur Garðarsson kennari, nemi í siðfræði við HÍ og fyrrv. starfsmaður á Kópavogsbraut 9 og 17.  ([e-mail])

[Anna , 2.12.2009 kl. 10:40]

Naudsynlegt ad hun fai ser logmann sem fyrst.

[Anna , 2.12.2009 kl. 10:41]

Laglaunafolk tarf ekki ad borga fyrir logmann tad bidur um gafsokn.

[Baldur Garðarsson (IP-tala skráð) 3.12.2009 kl. 18:53]

Góðan daginn aftur gott fólk.

Mig langar að benda á frétt á visi.is um Lalla. Mér finnst alveg ömurlegt hvernig fjölmiðlar tala um manninn, hann er kallaður "Síbrotamaðurinn og stjörnuglæponinn Lalli Johns", virðing fyrir honum sem persónu er engin. Ég hef einnig upplifað það að Lögreglan notar ferilskrá hans sem sýnishorn þegar hún fer í grunnskóla að kynna fyrir unglingum hvað má og hvað má ekki, þar er hann meira að segja nafngreindur. Ég hef rætt þetta við fólk, sem segir að hann sé orðinn svo opinber persóna að þetta sé sjálfsagt mál, en mínar kokkabækur segja hins vegar að hann gæti væntanlega farið í mál og unnið það ef þetta er gert að honum forspurðum. Hvað finnst ykkur ? Hvað kemur næst ? Mun einhver annar úr þeim hópi sem lent hefur upp á kant við kerfið taka við  sem sýnishorn, þegar ferilskrá Lalla hentar ekki lengur ? Eigum við, ég og þú, von á að ferilskrá okkar sé veifað framan í alla þegar við erum ekki viðstödd ? Ég held meira að segja að Lalli blessaður hafi setið inni á þeim tíma sem Lögggan var með ferilskrá hans á glærum og sýndi hana a.m.k. í þeim skóla sem ég kenndi í á þeim tíma.

Hugsið um þetta og ræðið ef ykkur finnst ástæða til,

Kveðja, Baldur Garðarsson

[Ólafur B. Jónsson (IP-tala skráð) 7.12.2009 kl. 17:45]

Sammála Breiðuvíkursamtökunum. Það er enn ekkert hlutað á börnin sjálf.

Einn sem var í barnaverndarnefnd í sinni sveit í gamladaga.