"Engin sátt í Breiðavíkurmáli"

Vert er að vekja athygli á þessari frétt á mbl.is. Grétar Mar Jónsson, þingmaður Frjálslyndra, spurði forsætisráðherra um gang mála í viðræðum ríkisins við fyrrum vistbörn á Breiðavík og fékk þau svör helst að vilji væri fyrir hendi til sátta og að boltinn væri hjá Breiðavíkursamtökunum.

Í fréttinni hafnar formaður samtakanna, Bárður R. Jónsson, því að einhver bolti sé hjá samtökunum, en það þýðir auðvitað ekki að samtökin séu ekkert að gera í málinu. Ragnar Aðalsteinsson hrl er að skoða möguleika þolendanna í málinu og vinna að útfærslu bótakrafna. Þegar sú vinna hefur fengið á sig ákveðið form mun ráðuneytið vafalaust fá af því fréttir og þá boðað til fundar. Kannski má segja að samtökin séu síður upptekin af kosningum en stjórnvöld?

Breiðavíkursamtökin hafa alltént ekki áhuga á að flýta málinu svo að það skerði möguleika þolendanna til mannsæmandi bóta. Samtökin hafa á hinn bóginn engan áhuga á því að málið dragist úr hömlu. Þarna á milli er málið statt!

Rétt er að leiðrétta tölur sem fram koma í fréttinni. Breiðavíkurskýrslan náði til um 150 vistbarna, bæði drengja og stúlkna, 1952-1980. Ekki bara drengja og ekki bara til 1970.  -/fþg.

Engin sátt í Breiðavíkurmáli

Athugasemdir

[Anna , 7.4.2009 kl. 08:27]

Þið hafið rétt á mannsæmandi bóta. Og þið eigið skilið allt það besta. Kær kveðja

[TARA, 7.4.2009 kl. 23:14]

Tek undir með þér Anna Björg.

[Jóhann Þór Hopkins (IP-tala skráð) 8.4.2009 kl. 17:15]

Hverjum datt þessi vitleisa í hug að miða bætur við ca 21 mánuð, hver vill fullyrða um það að drengur sem var þarna skemur en 21 mán,  en var barinn í buff vikulega og notaður til að svala kinferðislegri þörf starfsmanns oft í viku hafa skaðast minna en drengur sem var kansk óáreittur í tvo ár, látum nú græðgina ekki ná tökum á málinu, semjið um eina greiðslu fyrir alla og að hún sé sangjörn en ekki einhver ósk um happadrættisvinning, segjum sca 5-7 miljónir á manninn.

[Jóhann Þór Hopkins (IP-tala skráð) 20.4.2009 kl. 15:13]

Nú er nóg komið, ég forvitnaðist um stöðu mála hjá breiðavíkursamtökunum, fátt um svör annað en það að það borgi sig ekki að vera með einhvern asa, málið sé í góðum farvegi, en við nánari athugun þá kemur annað í ljós.

Skrifstofa samfykilgarinnar segir að málið sé í samningaferli 

lögfræðingurinn segir að EKKERT sé að gerast í málinu,

samtökin hafa engin önnur svör en að þetta sé bara svona. 

nú eftir að málið er búið að vera aðveltast í höndum stjórnarinnar á annað ár og ekkert að gersta,

Eru samtökin ekki bara á góðri leið með að klúrða málinu með einhverjum óheirilegum kröfum, gleimum því ekki að lagalega er málif fyrnt, og það að vera að ræða um einhverjar tugi miljóna er bara út í hött.

Ég held satt að segja að þetta sé komið úr böndum og að menn ættu bara að fara að huga að sjálfstæðum aðgerðum ekki er þessi stjórn að gera neitt, er málinu ekki bara betur komið i höndum einstaklingana sjálfra.