Enn eru stunduð myrkraverk á meðferðarheimilum

Ekki er það glæsilegt - enn virðast ofbeldismenn og öfuguggar sleppa inn sem starfsmenn vist- og meðferðarheimila fyrir börn og unglinga. Enn virðist innra eftirlit ekki vera nógu gott til að útiloka myrkraverkin frá því að eiga sér stað, ef grunurinn reynist réttur sem umrædd rannsókn beinist að.

Lærdómurinn af Breiðavík og ámóta heimilum þarf að fara að skila sér af fullum þunga. Breiðavíkursamtökin eru ekki í nokkrum vafa um að yfirstandandi rannsókn á meðferð barna og unglinga á Kumbaravogi og fleiri viststofnunum muni enn betur staðfesta hvernig slík "heimili" hafi ekki verið öryggi og skjól fyrir varnarlaus börn og unglinga, heldur gróðrarstía í höndunum á eftirlitslausum föntum - hið minnsta að hluta til.  Sorglegra er að dæmin sýna að þótt ástandið kynni að hafa lagast eitthvað með tíð og tíma og breyttum félagslegum áherslum þá eru vist- og meðferðarheimilin enn ekki orðin örugg skjól.

Kannski verður aldrei hægt að útiloka að vondir menn, í gervi góðra, komist til starfa á slíkum stofnunum. Kannski eru perrarnir og fantarnir of góðir við að villa á sér heimildir. En kannski má líka enn breyta og herða samskipta- og umgengnisreglum. Það þarf að fara í saumana á slíkum málum.

Félagsmenn í Breiðavíkursamtökunum; takið eftir:

Að öllum líkindum verða af óhjákvæmilegum ástæðum breytingar á fundarstað og tíma félagsfundarins næstkomandi þriðjudagskvöld. Líkast til verður horfið aftur til þess að halda fundinn að Aflagranda 40 kl. 20:30, eins og hingað til, vegna þess að salurinn í Reykjavíkurakademíunni reyndist þegar á reyndi löngu bókaður undir aðalfund annars félags. Beðist er velvirðingar á þessu, en staðfesting á breytingunni verður látin berast.

Meint kynferðisbrot á meðferðarheimili

Athugasemdir

[Ragnheiður , 28.3.2009 kl. 11:31]

Þarna hlýtur að eiga að standa Aflagranda 40 en ekki 140.

En það var ekki það sem ég ætlaði að skrifa hérna heldur eru um það bil 6 ár síðan ég skrifaði bréf vegna sambærilegs máls og aðbúnaðar alls á þessu sama meðferðarheimili. Jú ég fékk bréf en auðvitað þrættu rekstraraðilar og ég fékk kárínur í orðaforði og átti bara að vera þakklát fyrir að þau "nenntu" að hafa son minn. Þarna er heilmikið nautgripabú og krakkarnir miskunnarlaust notaðir til búverka, sálfræðingur kemur afar sjaldan og hittir ekki nema suma.--ég get haldið lengi áfram en hætti hérna.

Það er ekki ein Breiðavík. Mamma heitin var m.a. á Silungapolli og fleiri heimilum, stórsköðuð eftir.

Baráttukveðjur

[ThoR-E, 28.3.2009 kl. 12:16]

Að maðurinn hafi fengið aftur starfið sitt... eftir að grunur vaknaði um brot. Þótt hann hafi ekki verið dæmdur í það skiptið.. að þá hljóta börnin að fá að njóta vafans.

Skammarlegt.

[Anepo, 28.3.2009 kl. 12:17]

Að maður tali nú ekki um BUGL. ég var þar inni í 6 mánuði fyrir mörgum árum síðan. Þar var nú starfsmaður sem bara lamdi krakkana. ásamt að fleirri starfsmenn voru eflaust við sama heygarðshornið. Ofbeldið gengur eflaust enn þar. Hef sent barnastofu email en það er bara hunsað.

[TARA, 28.3.2009 kl. 12:31]

Anepo...það er hundsað vegna þess að þeir vilja ekki viðurkenna að það sé eitthvað að hjá þeirra fólki...þessu menntaða fólki sem á að vera betra en þeir ófaglærðu, sem þykir sjálfsagt að skella sökinni á ef eitthvað kemur upp úr kafinu.

Þið hin...Það er víða pottur brotinn í barnaverndarmálum og félagsmálum og vert að láta verulega í sér heyra til að skoða þessi mál ofan í kjölinn. En það þarf líka að gæta þess að kenna ekki saklausum aðila um.

[Ari Kolbeinsson (IP-tala skráð) 28.3.2009 kl. 13:16]

#2

Í fyrra skiptið var horfið frá rannsókn vegna sérstaklega ólíklegs framburðs meintra þolenda. Það gefur til kynna að kannski hafi eitthvað annað legið að baki ásökunum. Það er alveg þekkt að séu lognar upp sakir á fólk vegna persónulegs ágreinings. Það gerist oftar hjá þeim sem eru á slæmum stað andlega, eins og til dæmis fólk sem skikkað hefur verið á meðferðarheimili og vill ekki vera þar.

Ef maðurinn hefði verið rekinn þrátt fyrir  að málið var látið niður falla hefðu það verið skýr skilaboð um að það nægði að búa til ásakanir til að losna við hvaða starfsmann sem vistmanni líkar ekki við. T.d. starfsmanni sem stoppar fíkniefnasendingar inn á vistheimili. Betra að fá nýjann sem tekur síður eftir, ekki satt?

Þetta er ein ástæða fyrir því að við erum saklaus þar til sekt sannast. Sönnunarbyrðin verður að vera þeim megin. Stundum finnst manni það skítt, þar sem í sumum tilfellum er erfitt að sanna sekt, en það væri enn verra að hauga saklausu fólki í refsivist heldur en að einhverjir sekir gangi lausir.

Síðan er alveg annað mál með dómana sjálfa. Ofbeldisglæpir (þ.m.t. kynferðisglæpir) mættu fá dálítið þyngri dóma og dómar fyrir peningaglæpi og hnupl eru almennt of þungir, allavega í samanburði við ofbeldisglæpina. 

[Óskar Arnórsson, 28.3.2009 kl. 13:19]

Ég legg til að Breiðavíkursamtökin taki við af barnastofu. Þar eru illmenni sem vinna. Svo ætti að skoða það sem skeður á Vogi og í fangelsinu í kópavogi. Það er ekki í lagi það sem fer fram þar.

Svo eru nokkrir steralögreglumenn sem misnota fíkla í lögreglubílum. Það er margt sem þarf að rannsaka og skoða í þessum málum. Stelpufíklar þora ekki að kæra lögreglumenn.

Kv,

Óskar 

[ThoR-E, 28.3.2009 kl. 14:16]

Mikið til í þessu Ari .. auðvitað ef ekkert hefur verið til í þessum ásökunum .. að þá er það annað mál. En núna er hann grunaður aftur ... þannig að það er spurning.. hvort og hvað var til í fyrra málinu.

Nema allir séu bara að ljúga upp á aumingja manninn og hann er blásaklaus.

Auðvitað hafa verið ásakanir sem ekkert til er í ... og svoleiðis á að taka á líka .. en það sem ég átti við er að ... að láta barnið njóta vafans. .. að setja inn starfsmann sem hefur verið grunaður um kynferðisbrot áður .. á stúlknaheimili ... set bara spurningamerki við svoleiðis vinnubrögð.

Með bestu kveðju

[TARA, 28.3.2009 kl. 14:22]

Rétt hjá þér ACE...það er spurningarmerki þarna á milli...vandinn er bara að finna samasem merkið.

[Óskar Arnórsson, 28.3.2009 kl. 14:49]

Ég fékk ýmsar athyglisverðar upplýsingar um ýmeslegt þegar ég var að vinna á Litla-Hrauni í tæpt ár sem meðferðarfulltrúi. Er alveg fullfær um að greina sannleika fræa lýgi.

Ég kom Annþóri handrukkara fyrst úr Litla-Hrauni, og þaðan í fangelsi á Kvíabryggju, og þaðan beint í Byrgið í meðferð sem hann þurfti ekkert á að halda.

Annþór var aðalskipuleggjandi að koma upp um Guðmund Guðsmann. Það er hroðalegt að vita til þess að allir vissu af þessu, fangar og starfsmenn, enn engin gerði neitt.

Var samt reynt að þagga niður þetta mál með því að senda Annþór í einangrun á Litla-Hrauni, en myndirnar sem hann kom fyrir töluðu sínu máli. Annþór er svo sem ekkert besta barn, enn ég myndi láta hann hafa fálkaorðuna fyrir þetta "lögreglustarf" sitt.

Hann launaði mér með því að lána mér 300 þús. án nokkurra trygginga. Sagði ég honum að ef hann væri alvöru handrukkari gæti hann ábyggilega lamið úr mér þessa aura. Er það í eina skiptið sem ég fór á Birgið, til að sækja þessa peninga. Ég er búin að borga honum.

Varð fyrir vonbrigðum með hann þegar hann blandaði sér í dópsmygl. Mér líkar samt vel við hann.

[TARA, 28.3.2009 kl. 15:05]

Maður þarf ekki að vera verri þótt maður þekki handrukkara eða einhvern sem er í neyslu...en það er verra að láta ljúga að sér...slíkt á ég erfitt með að fyrirgefa og vil það reyndar ekki.

[ThoR-E, 28.3.2009 kl. 15:09]

Annþór stóð sig augljóslega mjög vel.

Predika guðs orð ... og misnota síðan kvenkyns skjólstæðinga sína á meðan. Og allt með styrk frá ríkinu. Guðmundur var skrímsli sem þurfti að stöðva.

Vandamálið er bara að það er fullt af "Guðmundum í byrginu" ... út um allt kerfið. Á fullum launum við iðju sína.

Eins og sést í þessari frétt... sem færslan er við.

[Anna , 28.3.2009 kl. 15:45]

Hvessvegna er frásögn barna ekki tekin alvarlega.

Hvar eru eftirlitsnemdirnar sem eiga að standa vörð um velferð barna?

Hvessvega er Barnahús og lögreglan að bregðast börnunum okkar?

Her er mart ábótavant varðandi öryggi barna. 

Það þarf að opna þessa umræðu, eitt skipti fyrir öll.

Og leifa almennig með nafnleynd að tjá skoðun sína og segja sögur sínar í fjölmiðlum. Því mart er falið vegna viðkvæmni þessarra mála.

[Friðrik Þór Guðmundsson, 28.3.2009 kl. 16:02]

Rétt, Aflagranda 40, slæddist þarna með innsláttarvilla sem ég laga.

Takk fyrir innleggin.

[doddý, 28.3.2009 kl. 16:42]

það er svo einkennnilegt með þá sem ættu að koma málum í réttan farveg, þeir vita allt um það að kynferðisglæpamenn eru siðblint fólk sem veit allt um þann skaða sem þeir geta valdið. þegar kemur að því að þetta óeðli á að fara út í samfélagið eftir fangelsisvist (búin að leggja líf margra í rúst) er öllu fagbákninu algjörlega sama hvað tekur við hjá kynferðisglæpamanninum, hann gæti stofnað til sambúðar með konu og litlum telpum og/eða drengjum því hann er svo sannarlega búin að borga sína skuld við samfélagið. það er hreinlega þannig að dómar í þessu landi halda að hægt sé að lækna siðblindu. kynferðisglæpamenn eru gangandi tímasprengjur sem engin getur reiknað út og ættu að vera uppi á heiði við vegamokstur án sambands við menningu.

geðsjúkt fólk sem greinist hættulegt sjálfu sér og/eða öðrum hættulegt er sent á sogn eða er á yfirsetu á geðdeild- kynferðisglæpamenn geta hagað sér eins og þeim sýnist.   hvar er öryggi barna okkar?

[TARA, 28.3.2009 kl. 17:01]

Það er ekki hægt að lækna siðblindu....né kynferðisglæpamann af hegðun sinni...það er bara bull...alveg eins og Gunnar sem þykist geta afhommað menn...helbert kjaftæði og mikilmennskubrjálæði...

Svona SKULD verður aldrei hægt að greiða þó menn verði ódauðlegir...

[doddý, 28.3.2009 kl. 19:42]

.. og aftur erum við sammála tara. kv d

[Óskar Arnórsson, 29.3.2009 kl. 02:20]

Í 99% tilfellum geta barnaníðngar EKKI læknast segja óteljandi rannsóknir. Það er bara ein leið til sem virkar. Og það er gelding með skurðaðgerð. Það á að láta þá velja milli æfilangs fangelsis eða þessarar skurðaðgerðar.

Þessu svokallaða "kemiska gelding" sem eru einhveerjar pillur hafa þá ókosti að þeir læðast til að hætta að taka þessi meðöl. svo minnir mig að það þurfi að bora eittahvað í helan á þeim og drepa einhverjar frumur. Man ekki hvað ég las þetta.

Einu afleiðingarnar sem ekki verður komist hjá að þeir fitna mjög mikið eftir svona geldingu. Að öðru leyti verða þeir enn s og fólk aftur. Það sagði mér einn sem valdi svona geldingu að hann hefði átt að gera þetta 10 árum áður.

Var hann stórkostlega ánægður að þurfa ekki að upplifa þetta óeðli sitt sem hann hugsaði um dagin út og inn. Fangelsidómur hans var styttur um 80% af þessum sökum. Var þetta í Sænsku fangelsi og sagði hann mér ýmislegt um þankagang pedófíla.

Ég m´li með að þegar sannað er að maður eða kona sem er bara 1 af 10 því 9 af 10 eru karlar sem eru haldnir þessum sjúkdómi.

Þaður kemst ekki hjá því að þekkja aragrúa af glæpamönnum eftir að hafa unnið með fanga í 25 ár. Annþóri var illa verðlaunað fyrir að koma upp um þetta mál, þó að allir skjílstæðingar Guðmundar og flestur starfsmenn  hafi viðað um þetta athæfi hans.

Það er alveg ótrúlegt hvað þetta trúarbrjálæði og trúarrugl, ásamt hópdáleiðslu getur áorkað.

Ég stuð Breiðavíkursamtökin og ættu þau að taka við af Barnastofu. Endurtek: BARNASTIÐA ER ÓHÆFUR AÐILI OG VINNUR Á MÓTI BREIÐUVÍKURSAMTOKUNUM OG ER MÉR ALVEG SAMA HVERSU FALLEGA ÞEIR TJÁ SIG! Segiði þeim bara að kæra mig fyrir þessi orð og ég skal mæta þeim í hvaða rétti sem er.

Er ég með nóg af málum sem þeir ÆTTU að taka á enn þeir gera ekki neitt af viti.

Það mætti svo aðeins hjálpa BUGL, því þar vinna margar manneskju af heilindum. Þeir eru bara í fjársvelti.

Er búið að borga skaðabæturnar fyrir Breiðavíkurstrákanna sem eru enn á lífi? þeir eoiga að fá jafn mikið og strákarnir í Norska málinu. A.m.k., jafnvel meira.

Fyrir utan skaðabætur eiga þeir að fá íbúð gefins, innbú og stuðnig af sálfræðingum. Djöfulsun pakk þessi yfirvöld eru á Íslandi. (afsakið orðbragðið)

Siðblindu er hægt að lækna eingöngu ef menn vilja það sjálfir. Besta meðferðarheimilið fyrir siðblint fólk heitir Spectrum og er rétt fyrir utan London.

Flestir siðblindir eru fullkomnlega meðvitaðir um eigin siðblinduþ Siðblinda kemur barnaníðingsskap ekkert við. Sitthvor sjúkdómurinn.  

[Óskar Arnórsson, 29.3.2009 kl. 02:34]

Tara! Það er allt í lagi að láta ljúga að sér ef maður þekkir lýgi frá sannleiga. Hlustaðu bara á þingmenn og ráðherra á Íslandi. Fjármálamenn og auðjöfra. Besti skóli sem þú getur fengið til að þekkja lýgi frá sannleika.

Jón Hreggviðson fann snæri og "tók það til handargagns" eins og han sagði á Alþingi þess tíma. Hvernig í ósköpunum átti hann að vita að hesstur væri í öðrum endanum á snærinu? Dómurum fannst þetta svo flott sagt að hann var bar hýduur fyrir þetta.

Svo fóru hann og böðullinn saman á fyllirí og böðullinn drukknaði, enn það er önnur saga. Allir ljúga og sumir ljúga til að hjálpa. Það eru margar tegundir af lýgi til. Ég þoli t.d. ekki s.k. "sannleiksegjara". Oft er betra að þegja enn að segja sannleika til hægri og vinstri. 

[doddý, 29.3.2009 kl. 11:18]

kæri óskar - gangi þér vel í lífinu. kv d

[Óskar Arnórsson, 29.3.2009 kl. 21:30]

Takk fyrir heilræðið Doddý mín! Ég þarf svo sannarlega á því að halda..gangi þér líka allt í hagin. í lífinu. Ánægjulegegt komment fyrir mig. Fæ oftast ekki mörg, því ég er talin ruddi í orðum og allt möguegt sem hefur engin áhrif á mig. Takk fyrir hlý orð Doddý mín, virði þau mikils!

 kv,

Óskar.

[TARA, 29.3.2009 kl. 22:02]

Rétt Óskar...það eru til mismunandi lygar...ég greini þær ekki allar...en sumar...

Ég veit að ráðamenn ljúga...enda trúi ég ekki nema tíu prósentum af því sem þeir segja...

Láttu þér standa á sama þó öðrum finnist þú vera ruddi...okkur bloggvinum þínum finnst það ekki...þú ert dálítið óheflaður stundum þegar þér liggur mikið á hjarta, en öll tjáum við okkur á mismunandi hátt

[Óskar Arnórsson, 30.3.2009 kl. 01:39]

10% er of mikið Tara mín. Stjórnmálamenn ljúga bara þegar þeir tala opinberlega. Lækkaðu prósentuna niður í 2%. a,m.k.

Kv,

Óskar

[Ruth, 20.4.2009 kl. 09:04]

Það er nú ekki rétt að enginn annar hafi gert neitt varðandi Byrgið !

Ég skrifaði td. bréfið til ráðherranna ,sem "Lot " og fletti ofan af þessu í byrjun..

Annþór á samt heiður skilið fyrir sinn þátt í að fletta ofan af Guðmundi og munaði þar miklu td.eftir Kompás þáttinn þegar G.var byrjaður að spinna sinn nýja lygavef

Hann er greinilega með sterka réttlætiskennd

[Óskar Arnórsson, 20.4.2009 kl. 11:46]

Ég vissi það ekki Ruth777! Enn Annþór var aðalmaðurinn að koma myndavélunum fyrir og þegar það komst upp, var enn reynt að kæfa málið með að senda hann í einangrun á Litla-Hraun.

Ég vissi um Breiðavíkurmálið 12 ára gamall. Samt tók það yfirvöld hálfa öld að viðurkenna það sem þar fór fram. Öll sveitin vissi um þetta.

Svo er þeim boðið skítur og kanell í skaðabætur. Annþór er með sterka réttlætiskennd þó hann sé engin engill ásumum sviðum.