Aðalfundur BRV 29. apríl - 2ja ára afmæli

Eins og þeir vita sem fengið hafa fundarboð þá verður aðalfundur Breiðavíkursamtakanna 2009 haldinn miðvikudagskvöldið 29. apríl komandi - á tveggja ára afmælisdegi samtakanna.

Nánar tiltekið: Aðalfundur kl.20 til 22 miðvikudagskvöldið 29. apríl í fundarsal Reykjavíkurakademíunnar á 4. hæð JL-hússins við enda Hringbrautar (ekki 3. hæð eins og sagt var í fundarboði). Æskilegt að fundargestir mæti um kl. 19:40 til að heilsast og spjalla áður en fundur hefst.

Á dagskránni eru venjuleg aðalfundarstörf, utan hvað ekki er kosið í stjórn samtakanna í ár, þar sem hver stjórn situr í 2 ár samkvæmt lögum samtakanna. Einhver hressing verður í boði, einkum í tilefni afmælisins. Eins og gefur að skilja fellur þriðjudagsfundur mánaðarins niður.