Georg Viðar og Friðrik Þór í "Ísland í dag"

Georg Viðar Björnsson, varaformaður BRV, og Friðrik Þór Guðmundsson, ritari stjórnar, voru í viðtali í "Ísland í dag" fyrr í kvöld.

Endilega tjáið ykkur um viðtalið, en tengil á það er að finna hér. 

Athugasemdir

[Hrönn Kristinsdóttir (IP-tala skráð) 8.9.2008 kl. 23:59]

Þetta var prýðis viðtal og það er gott hvað þið hafið verið sýnilegir og málefnalegir í fjölmiðlum.

Í þessari umfjöllun má líka alveg benda á það í hvað verið er að verja tugum milljóna.

50 milljónum hent í stuðning við sport (bendi á pistil Steinunnar Ólínu í sunnudags mbl-strákarnir okkar) og fullt af milljónum í allslags óþörf ferðalög.

Það er til fullt af peningum.

Sammála um að upphæðirnar þurfi að skipta máli, ekki bara innborgun á flatskjá hjá BT.

[SVB, 9.9.2008 kl. 00:14]

Kærkomin viðbrögð, Hrönn!

Ýmis útgjöld ríkisins þola einmitt illa dagsljósið og samanburðinn við "gjafmildina" í frumvarpsdrögunum.  

[Páll Rúnar Elíson (IP-tala skráð) 9.9.2008 kl. 14:07]

Ég mæli eindregið með að Ríkisstjórn og þingmenn  horfið á kvikmyndina Syndir feðrana og lesið bókina Breiðavíkurdrengur, sem er að finna í bókahillu Alþingis.Mér finnst sanngjarnt að þeir sem taka ákvarðanir í þessu stóra máli sýni okkur þá virðingu að kynna sér málið í nærmynd. 

[Hannes H. Gilbert (IP-tala skráð) 9.9.2008 kl. 22:39]

Sælir félagar,

Ég verð að segja að þetta útspil hjá ríkisstjórninni kom mér ekkert á óvart. Alveg síðan fyrst var talað um að greiða okkur bætur hef ég verið mjög efins í því að hugur stæði á bakvið stóru orðin. En núna eftir að þessi drög að lögum til að heimila greiðslu bóta til okkar kom fram held ég að ráðmenn verði að hisja upp um sig og endurvinna þetta að öllu leiti.

Mér fannst viðtalið mjög gott við Georg og Friðrik sem voru mjög málefnalegir í alla staði og komu öllu vel til skila.

Hvað varðar þann draum þeirra að ég og fleyri förum að rápa á milli manna til að segja okkar reynslu af dvölinni á Breyðavík þá er það alveg á tæru að ég tek ekki þátt í svoleiðis vitleysu og eins og einhver sagði þá geta þeir stungið þessum bótum þar sem sóli ekki skín...

Með baráttu kveðju,

Hannes H. Gilbert

[Friðrik Þór Guðmundsson, 9.9.2008 kl. 23:02]

Ég tek heilshugar undir með ykkur Páll og Hannes. Og þakka ykkur fyrir tilskrifin.

Nú er komið í ljós að kostnaður við Spanó-nefndina var fram að breiðavíkurskýrslunni og kannski örlítið lengur alls um 19 milljónir. Þóknanir og kostnaður deilt með hverjum nefndarmanni þá eitthvað á fjórðu milljón. Maður sér ekki eftir peningi sem varið er í að rannsaka ósómann, en óneitanlega væri það afar sérkennilegar að þegar upp er staðið verði það kannski rannsakendurnir sem fá hæstu "bæturnar" !? Því fleiri sérfræðingar bíða handans hornsins; frumvarpið gerir ráð fyrir úthlutunarnefnd og geðlæknum að störfum.

Hverjar ætli bæturnar til ykkar Breiðavíkurdrengja yrðu ef þið reiknuðuð ykkur t.d. 4.000 krónur á tímann?

[Sigurveig (IP-tala skráð) 11.9.2008 kl. 02:06]

Virðingin fyrir sjálfum sér er það síðasta sem við eigum, þegar virðingin er farin er ekkert eftir. Það vantar virðinguna fyrir okkur sem vorum á þessum heimilum, undanfarið hef ég verið að hlusta á ráða menn tala um hvað þeir vorkenna okkur, þessu aumingja fólki sem var á þessum heimilum, þessi umræða fer hræðilega í taugarnar á mér, hvernig væri að leifa okkur að halda haus, og hætta að tala um okkur eins og einhverja aumingja sem bara er hægt að vorkenna og tala niður til, eins og það sé ekki nóg komið. Ráðamenn ættu að skammast sín og taka sig samman í andlitinu ( horfa á spegilmyndina sína og spyrja sig ,ef ég hefði orðið fyrir þessari reynslu, hvernig  vil  ég  láta koma fram  við mig)    Það  er ekkert  sem  getur bætt eða  komið  í  staðinn fyrir þessa hræðilegu reynslu.  Og  að  lokum  þá þurfa  ráðamenn  að  átta  sig  á  að  við  sem  vorum  á  þessum  heimilum  erum  ekki  einhverir  vitleysingar  sem  erum  dópistar  eða  glæpamenn,  við  getum  staðið  uppi  í  hárinu  á  þeim,  ef  út  í  það  er  farið.  Og  fyrir  þá  sem  vita  það  ekki  þá  voru  mikið  af  stúlkubörnum  sem  voru  lokaðar  inni  á  heimilum  á  vegum  ríkisins.     (það  skal  tekið  fram  að  þessi  skrif  eru  aðeins  mín  skoðun)      Kveðja  Sigurveig E