Jón Guðmundur og Gunnar Lár eru látnir

Tveir Breiðvíkingar hafa nú látist með stuttu millibili, að líkindum 35. og 36. látnu vistmennirnir af drengjatímabili Breiðavíkur 1952-1973. Eru þá um 28% Breiðavíkurdrengja látnir.

Jón Guðmundur Guðmundsson lést í gær, 20. apríl, 67 ára að aldri, en hann vistaðist á Breiðavík frá 17. júní 1955 til 22. apríl 1958, 11 til 14 ára, og aftur um skeið 1959. Móðir hans hét Sigríður Kristmunda Jónsdóttir, en hún dó meðan Jón var vistaður fyrir vestan og faðir hans var Guðmundur Maríasson, matsveinn, dáinn 1979. Jón var duglegur að sækja fundi samtakanna allt undir það síðasta og hvers manns hugljúfi.

Þá lést 14. mars síðastliðinn Gunnar Þ. Lárusson, 73 ára, en hann var vistaður á Breiðavík frá 17. maí 1953 til 21. maí 1954, er hann var 15-16 ára. Gunnar dó ókvæntur og barnlaus. Hann var sonur Sigurástar Aðalheiðar Kristjánsdóttur frá Ólafsvík og Lárusar „í Pólnum“ Guðmundar Gunnarssonar frá Hafnarfirði.

Þeirra Jóns og Gunnars verður vonandi minnst nánar við fyrsta tækifæri. Blessuð sé minning þeirra.

Athugasemdir

[Halldóra Ólafsdóttir (IP-tala skráð) 21.4.2011 kl. 17:55]

Blessuð sé minning þessara drengja.

[SVB, 24.4.2011 kl. 19:27]

Ég ætla að minnast aðeins á þessa drengi 2 sem er nylega látnir.

Allir fengum við numer og Gunnar Lárusson var numer 1 og var heljarmenni og var hann fyrstu til að koma til Breiðavikur, Jón Guðmunds, sem lést í síðustu viku, var numer 17 og er mer sérstaklega minnistætt þegar að móðir hans dó og hann fékk ekki að fylgja henni til grafar og löbbuðum við strákarnir saman með honum i Breiðavík þar sem hann grét heil ósköp og var þetta ekki falleg lífsreynsla :/ og blessuð sé minning þeirra og Jón verður jarðaður 10 næsta mánaðar hef ég frétt og læt vita nánar klukkan hvað og eigum við sem flestir Breiðavikurdrengir að fylgja honum til grafar og gleðilega hátið og njótiði hennar kæru vinur :)

(Óli Styff, afritað af facebook síðu samtakanna)

[Anna , 30.4.2011 kl. 15:44]

Blessud se minning teirra.

[Ólöf Jónsdóttir (IP-tala skráð) 1.5.2011 kl. 20:19]

Blessuð se minning þeirra ,en meiga ekki aðrir fylgja  jón þótt maður var  ekki verið á Breiðuvík ,það voru fleirri staðir  ég hefði vilja fá að fylgja honum